Гульня – асноўная форма дзейнасці дзяцей, змест іх жыцця. У гульнях яны мацнеюць фізычна, духоўна, вучацца разумець навакольны свет, узаемадзейнічаць у калектыве.
Беларускія народныя гульні – рухавыя. Яны вызначаюцца багаццем разнастайных уздзеянняў на арганізм дзяцей, фарміруюць у іх неабходныя фізічныя навыкі, практыкуюць ва ўменні ўзгадняць рухі са словамі; развіваюць спрыт, хуткасць, настойлівасць; выхоўваюць пачуццё калектывізму, узаемадапамогі.
Сёння ў нашай дашкольнай установе прайшоў фізкультурна-гульнёвы занятак "Каціўся клубочак"для дзяцей другой малодшай групы.
У госці да дзяцей завітаў Коцік са сваім чароўным клубочкам. Разам з ім дзеці адправіліся ў падарожжа, пагулялі ў беларускія народныя гульні "Надзейка", "Адгадай, чый галасок", "Вожык і мышы", адгадвалі загадкі.
Занятак прайшоў цікава, ярка і весела. Дзеці атрымалі велізарнае задавальненне і масу уражанняў.